Forsíða
| Magni Højgaard

Skrivstovufólk til Blákrossheimið

Søkt verður eftir skrivstovufólki til Blákrossheimið.

Starvið inniber, at tú sum høvuðsarbeiði verður skrivstovufólk. Umframt hetta kemur tú at hava samskifti við viðskiftafólk og familjur teirra.
Viðgerðin á Blákrossheiminum er ein sálarlig og sosialpædagogisk viðgerð, sum m.a. byggir á kognitivar og atferðarligar broytingar, skipað við bólkarbeiði, staksamrøðum og fysiskari venjing. Tú verður skrivari í viðgerðartoyminum.

Dagligar uppgávur m.a.:

  • Telefonavgreiðsla
  • Skrásetingar og innskriving av viðgerðartilfari
  • Tilrættaleggja arbeiðslista
  • Gera skjøl klár til bókhaldið
  • Praktiskt arbeiði

 

Vit rokna við, at tú:

  • hevur skrivstovuútbúgving
  • ert álitisvekjandi og hevur góð innlivingar og samstarvsevnir.
  • hevur evni at arbeiða sjálvstøðugt.
  • vilt arbeiða samsvarandi hugsjónini hjá Bláa Krossi Føroya.
  • vilt gera praktiskt arbeiðið

 

Løn/setanartreytir:
Talan er um parttíðarstarv 0,6 tíð. Lønin og aðrar setanartreytir verða ásettar sambært sáttmála millum Starvsmannafelagið og Fíggjarmálaráðið.
Umsókn saman við prógvum, viðmælum v.m. skal vera okkum í hendi í seinasta lagi 19. juli 2016.

Byrjað verður í starvinum 1. sept.

 

Nærri fæst at vita um starvið, við at venda sær til Olgu Magnussen, leiðara á Blákrossheiminum.

T-post: olga(at)blakross.fo, ella tlf. 770770

 

Umsóknin skal sendast til:

Blákrossheimið
Att.: Olga Magnussen, leiðari
við Pæturshús 2
FO-655 Nes

Ella á teldupost: blakrossheimid(at)blakross.fo

Blákrossheimið
www.blakrossheimid.fo
________________________________________________________________________________

Blákrossheimið, ið er viðgerðarheim fyri rúsdrekka- og rúsevnismisnýtarar, er stovnsett av Bláa Krossi Føroya við góðkenning frá Føroya Landsstýri. Á heiminum eru 9,5 ársverk. Pláss er fyri 12 búfólkum.

 

Tags: