Forsíða
| Sólfríð Maria í Rók

Sirið legði fram rúsdrekka- og rúsevnapolitikk til aðalorðaskiftis

Í morgun var framløga av Rúsdrekka- og rúsevnapolitikki Føroya.

Aðalorðaskifti verður í Løgtinginum hósdagin 26. oktober kl.10.oo

 

Soleiðis skrivar vp.fo:

Í frágreiðingini legði Sirið Stenberg, landsstýriskvinna, høvuðsdent á trý økir.

Tey trý økini eru týðandi fyri at røkka endamálinum við politikkinum, og snúgva seg viðurskifti, har landsstýriskvinnan metir, at tørvur er á broytingum og at átøk eru neyðug. Tey eru:

  • Fyribyrging í breiðum høpi, herundir Rúsdrekkasølan.
  • Rúsevnir og stríðið fyri einum rúsevnafríum Føroyum. Kjakið um at basa rúsevnatrupulleikanum og árinunum av hesum er av álvara kyknað. Fleiri átøk er í umbúna og mugu setast í verk.
  • Viðgerð. Ein trygg og dygdargóð viðgerð er lívsneyðug fyri at lofta teimum, ið eru farin út av eggini ella eru komin út á eggina. Samstundis er peningur settur av á fíggjarlógini fyri 2017 til tvey viðgerðartilboð fyri ung.

 

Á Facebooksíðu síni skrivar Sirið Stenberg:

– Neyðugt verður framyvir at leggja størri dent á fyribyrging og at menna viðgerðartilboðini.

 

Frágreiðingin hjá Sirið Stenberg kann lesast her: Frágreiðing til aðalorðaskiftis

 

vp.fo: Sirið legði fram rúsdrekka- og rúsevnapolitikk til aðalorðaskiftis 

 

Tags: