Fyribyrging

Fyribyrging av rúsdrekka/rúsevnum er ein týðandi partur av arbeiðnum hjá Bláa Krossi.

Fyribyrgingarráðgevi okkara bjóðar seg til at ráðgeva foreldrum, familjum og avvarandi um fyribyrging av rúsdrekka og rúsevnum. Eisini verður vitjað á skúlum, stovnum, arbeiðsplássum, samkomum, ungdómshúsum, legum og aðrastaðni, har ung koma saman, ella har arbeitt verður við ungum fólki.
Ráðgevingin fevnir um rúsdrekkapolitik og onnur evnir so sum sjálvsálit, sjálvsvirði, bólkatrýst, læran um at seta mørk, árin, seinárin hjá børnum, ið vaksa upp í heimi við rústrupuleikum.

 

Kirkjur og samkomur

Blái Krossur er ein kristiligur felagsskapur, tískil ynskja vit sjálvsagt eisini at koma á vitjan í samkomun og kunna um fyribyrging av rúsdrekka. Eisini ber til hjá prestum at seta seg í samband við fyribyrgingarráðgevan í samband við legur, m.a. konfirmatnalegur, síðan verður undirvísingin løgd til rættis saman við prestinum.

 

Skúlar

Í samband við skúlar ber til hjá SSP ella lærarum at seta seg í samband við fyribyrgingarráðgevan, um ynskiligt at er at fáa meira kunning um fyribyrging av rúsdrekka. Eisini ber til hjá arbeiðsplássum at venda sær til fyribyrgingarráðgevan viðvíkjandi fyrispurningum um mannagongdir viðvíkjandi rúsevnapolitikki. Trupuleikar á hesum øki kunnu verða rúsevni á arbeiðsplássinum, uppgávan hjá leiðsluni, ábyrgdarfólki og starvsfelaga, “Hin torføra samtalan” o.a.

 

Gigni

Til ber eisini hjá heilsufrøðingum at seta seg í samband við fyribyrgingarráðgevan viðvíkjandi børnum, ið vaksa upp í einum heimi, har rúsdrekka ella rúsandi evnir eru til ampa fyri familjuna. Eisini ber til hjá ungum ella foreldrum at venda sær beinleiðis til fyribyrgingarráðgevan, um áhugi er í at koma upp í ein bólk.

 

Fyribyrgingarráðgevi
Alisa Hammer,
tel: 770709
telduportur: alisa@blakross.fo