Forsíða
| Sólfríð Maria í Rók

Evropa drekkur mest í heiminum

Nú er eitt yvirlit komið, sum vísir hvussu stór alkoholnýtslan er í londunum kring heimin.

Kanningin vísir, at trettan tey fremstu londini eru evropeisk, og somuleiðis við londunum nummar 15-21. Hesi eru tíggju tey fremstu:

1. Hvítarusland
2. Litava
3. Kekkia
4. Kroatia
5. Eysturríki
6. Portugal
7. Frankaríki
8. Írland
9. Estland
10. Ungarn

Kortið lýsir árligu alkoholnýtsluna í miðal í litrum fyri hvønn íbúgva yvir 15 ár. Jú myrkari liturin er, jú meiri rúsdrekka verður drukkið. Kanningin vísir eisini hvørji sløg av rúsdrekka eru best dámd í ymisku londunum. T.d. verður brennivín mest drukkið í Hvítaruslandi, øl í Kekkia og vín í Portugal.

Út frá kortinum kann takast til eftirtektar, at summi lond síggja ikki út til at vera við í kanningini.

Matt Stiles frá The daily Viz hevur gjørt yvirlitið av kanningini hjá Alheimsheilsufelagið (World Health Organization), sum var framd í árunum 2000-2016.

 

 

Les grein um evnið: iflscience.com

Síggj neyvu yvirlitini: thedailyviz.com

Tags: