Forsíða
| Jógvan Simonsen

Blue Cross Chad er mánaðarligi limur á International Blue Cross

Í oktober mánaði valdi altjóða Blái Krossur at verpa ljós á arbeiðið, sum verður gjørt í Chad, Norður Afrika. Hvønn mánað vísur stovnurin á virksemi, ið tey gera kring heimin.

Føroyar hava í mong ár stuðla Chad við m.a. at fíggja eina verkætlan til ein lívsførleika skúli fyri ung har tey vera upplærd og ment kensluliga, sosialt og fíggjarliga – førleikar, ið eru týdningarmiklir, fyri at fóta sær í lívinum. Fokus er eisini, at hjálpa teimum úr rústrupulleikunum og at fyribyrgja bundni og harðskapi.

Blái Krossur í Chad var stovnaður september 1991 og hevur til endamáls, at vísa á ein sunnan lívsstíl millum ungar chaddar, uttan rúsevnir og rúsdrekka.

Samrøða við aðalskrivara hjá Bláa Krossi í Chad

Ein samrøða var gjørd við Samadji Mbangtonou, aðalskrivara í Bláa Kross í Chad.

  • Hví er arbeiði hjá Bláa Krossi umráðandi fyri teg?

“Arbeiði hjá Bláa Krossi er umráðandi tí tað veitur umráðandi upplýsingar um alkohol og tubakko, onnur rúsevnir, STI/HIV/AIDS, kynsgrundaðan harðskap, góða leiðslu og sosialt ansvar til íbúgvarnar og ungdómin í Chad.”

 

  • Ert tú sannførdur um tað arbeiði tit gera – um ja, hvar?

“Har eru so nógvar fráboðanir um broyting.” Hetta eru nakrar av teimum:

    • Betra heilsustøða
    • Meiri tíð brúkt við familju og arbeiði
    • Betur fíggjarumstøðir í landi og privat
    • Kvinnur, sum fyrr framleiddu alkohol hava skift virksemi
    • Motorsúklu taxasjafførur hava fingið keypt sínar egnu motorsúklur.
    • Næmingar hava fingið hækkað próvtøl
  • Hvat var tín eydnuríkasta løta í starvinum hjá Bláa Krossi?

“Mínar eydnuríkastu løtur, eru tá vit fáa fráboðanir um týdningarmiklar broytingar.”

  • Hvat er/var tín størsta avbjóðing í tínum arbeiði hjá Bláa Krossi?

“Tann størsta avbjóðingin er at fáa hægri yrkisdugnaskap í Bláa Krossi í Chad og í allar landspartar í Chad.

  • Hvat metir tú er tann mest umráðandi verkætlanin í tínum landi?

Núverandi verkætlanin hjá Bláa Krossi í Chad, at menna ymisk evnir hjá ungdómi, er tann mest umráðandi tí hon framvegis inniber lutir sum eru sera umráðandi.

Tags: