Forsíða

Skjólið

Skjólið í Kongagøtu 8 í Havn

Tað lat upp á fyrsta sinni í 1998. Endamálið var tá at veita eitt tilboð gjøgnum dagin til fyrrverandi og núverandi misnýtarar, og onnur, sum hava áhuga í einum rúsfríum umhvørvi.

Skólið verður í dag nýtt til nógv ymiskt virksemi. Har er ikki gerandisopið, uttan so at okkurt er á skránni, men tey tilboðini eru nógv ymisk.

 

Sangløta

Sangløtur hava verið fastur táttur mánakvøld gjøgnum nógv ár. Hesar eru ikki á skránni í løtuni av ymiskum orsøkum, men vónandi venda tær aftur skjótt.

Sangløturnar eru væl dámdar, og tað er góð uppmøting. Umframt nógvan felagssang, so er ofta sangframførsla við sangbólkum ella einstaklingum. Eisini er ein andakt á skránni.

Aftaná sangløtuna er hugnaløta, har møguleiki er at fáa ein drekkamunn og okkurt gott aftur við. Tað er eisini møguleiki at tosa við fólkið, sum arbeiða á staðnum um átrokandi spurningar.

 

Eftirviðgerð

Eftirviðgerðarfundir eru hóskvøld, sum Blákrossheimið stendur fyri. Fundirnir eru fyri fólk, sum hava tørv á at koma saman.

 

Barnabólkar

Mánadagar eru bólkar fyri børn, sum fyribyrgingardeildin stendur fyri. Sí meir um hetta á Øll hava rætt til góð barnaár.

 

Junior- og ungdómscafé

Ein mikudag um mánaðin er juniorcafé, har tað er sera hugnaligt og spennandi. Somu fólk hava eisini ungdómscafé eitt sunnukvøld um mánaðin.

Hetta er eitt samstarv við Liv Lívið verkætlanina, sum eisini er undir fyribyrgingardeildini.

 

Kvøldseta

Kvøldsetur eru eisini javnan. Í løtuni er ein kvøldseta áleið einaferð um mánaðin, har nógv ymisk evnir eru á skránni. Okkurt upplegg ella hugleiðing er saman við sangframførslum.

Hesar kvøldsetur eru spennandi og sera væl vitjaðar eftir hondini.