SKÚLIN:
Vit
bjóða okkum fram at undirvísa um rúsdrekka og rúsevnir í
fólkaskúlanum. Undirvísingin er tó ikki einans um hesi evni, men
um ymiskt annað, ið hevur tilknýti til børn, ungdóm og rús. Hetta
kunnu verða evni sum bólkatrýst, sjálvsvirði og at seta mørk. Allar royndir vísa, at
fyri at fáa dygdargóð úrslit í fyribyrgjandi arbeiðið, so er
tað av alstórum týdningi, at foreldur ella onnur vaksin, ið vara av
børnum og ungum, eru við til fyribyrgjandi tiltøk. Tí vilja vit
fegin sleppa at undirvísa foreldrunum, soleiðis at gjøgnumskygni
kemur í, og at tann reyði tráðurin sæst aftur, tá vit vitja á
skúlum.
UNGDÓMSHÚS:
Vit
vitja eisini fegin í ungdómshúsum leggja tiltøk tilrættis
saman við leiðsluni í húsinum. Evnini kunnu vera fjølbroytt.
LEGUR OG SAMKOMUR:
Starvsfólk okkara hava
drúgvar royndir við fyrilestrum og tiltøkum á legum. Bæði
ungdómslegum, familjulegum og bygdalegum. Evnini kunnu verða mong, ið hava eina ella aðra relatión til rúsdrekka ella rúsevnir.
Dømir um evnir, ið verða viðgjørd:
- Hvussu merkir tað barnið at
vaksa upp í heimi við rústrupulleikum
- Sjálvsálit,
sjálvsvirði og bólkatrýst
- Hvussu seta felagsmørk sum
foreldur
- Samskifti millum børn og vaksin
MØTI
Sum
felagsskapur, ið byggir á eitt kristiligt grundarlag, er sjálvsagt, at
vit eisini vitja á møtum, ungdómsmøtum ella øðrum tiltøkum fyriskipað av samkomum. Vit tílík høvi kunnu vit hava um eitt ávíst evni ella greiða frá um okkara arbeiði.
Eisini eru tað fleiri av starvfólkum okkara, ið kunnu bera fram eina
talu á møtum.
Um ynski er at fáa vitjan av einum frá Bláa
Krossi, setið tykkum so í samband við fyribyrgingarráðgevan ella
skrivstovu okkara á tlf. 470 000 ella á teldupost blakross@blakross.fo.