Regin Jacobsen, á Nesi, hevur 9. januar staðið fyri eftirviðgerðarbólkinum, ið heldur til á skrivstovuni hjá Bláa Krossi í Runavík, í 10 ár

Blákrossarbeiðið er eitt hjartamál hjá Regini. Hann hevur eitt nú sitið í landsnevndini í mong ár. Men tað er eftirviðgerðarbólkurin, ið er hvørt mánakvøld kl. 19.00, ið fyllir mest í dagliga blákrossarbeiðinum hjá Regini. So at siga hvørt mánakvøld hesi seinastu 10 árini, hevur Regin verið har og tikið ímóti teimum, sum hava leitað sær í bólkin. Tað eru mong, sum eru honum takksom fyri henda gerning.

Eftirviðgerðarbólkurin er ætlaður fólki, ið hava verið í viðgerð fyri rústrupulleikar, men eru eisini onnur, sum leita sær í ein slíkan bólk fyri at hitta onkran í hevur verið í somu støðu sum ein sjálvur.

Ein eftirvðigerðarbólkur kemur saman mánakvøld kl. 19.00 á skrivstovuni hjá Bláa Krossi í Runavík og ein kemur saman hóskvøld kl.19.00 á Blákrossheiminum í Havn.