Fjølbroytt blákrossfest á Toftum

Sunnudagin 8. januar skipar Rituvíkar- og Tofta Blákrossfelag fyri árliga aðalfundi og blákrossfest felagsins.

Blákrossfestin byrjar við aðalfundi kl. 17.00 í missiónshúsinum Tabor á Toftum. Á aðalfundinum verður frágreiðing frá arbeiðinum, framløga av roknskapi og val av nevndarlimum.

Kl. 18.00 er Blákrossmøti har formaðurin í Bláa Kross Føroya, Sverri Steinhólm, talar. Tofta Streingjakór og dupultkvartettin VEGA úr Fuglafirði syngja.

Kl. 19.30 er nátturði og kl. 20.15 byrjar so ein sang- og hugnaløta har m.a bólkurin TOS kemur at framføra.

Øll eru hjartaliga vælkomin at vera við til alt tiltakið ella partar av blákrossfestini. Á sjálvum aðalfundinum kl. 17.00 eru tað tó bert limir, ið hava rætt til at atkvøða.