Blákrossblaðið í netútgávu
18 mar 2011 kl 17.06 | admin
Í blaðnum kanst tú millum annað lesa um Per, sum er avvarðandi hjá rúsmisnýtara, og hvussu hann upplivdi jólini sum barn. Somuleiðis er samrøða við Sólborg Dulavík, har hon greiðir frá um tíðina á Blákrossheiminum, frá tí tað opnaði í 1984, og til hon legði frá sær í 2001.
Umframt samrøður, hevur Hjalmar Hansen skrivað tvær viðkomandi greinar um rúsdrekka og um avgjaldskrøvini hjá Rúsuni.
Blákrossblaðið er ókeypis, og kemur út fýra ferðir um árið. Um tú ikki fært blaðið sendandi, so ber til at ringja til skrivstovuna hjá Bláa Krossi á tlf. 470700, ella við at senda ein teldupost til kj@blakross.fo.