Rúsevnisnýtari
Havi eg trupulleikar við
rúsdrekka?
Vit menniskju hava trupult við at
viðurkenna okkara mistøk, og ofta má onkur peika okkum á
mistøk/lastir okkara.
|
Her eru nakrir spurningar, ið kunnu
geva tær ábendingar um tú drekkur ov nógv ella ikki.
- Finnur tú ofta upp
á onkra umbering, fyri at fáa eitt glas av vín ella eina øl? – ella hevur ein
trongd at taka tær av løttum við einum drykki?
- Hevur tú onkuntíð
lova tær sjálvum ikki at drekka t.d. í eina viku, men
hevur ikki hildið títt lyfti?
- Hevur onkur sagt
við teg, at tú drekkur ov nógv? – og tú møguliga lýgur
og sigur, at tú drekkur nógv minni, enn tú veruliga gert?
- Hevur fingið tær
ein snaps í duldum, fyri at umganga ruðuleika við familjuni? –
ella fært tú tær snaps í duldum undan týdningarmiklum
arbeiðsfundum?
- Hevur tú svikið
børn tíni (familju og vinir yvirhøvur), grundað á timburmenn?
- Hevur tú meldað
teg sjúkan, grundað á timburmenn?
- Ert tú noyddur at
drekka meira enn áður, fyri at kenna til? – ella tú metir ein,
tveir ella tríggjar snapsir líka?
- Verður tú fullur
til veitslur, hóast tú hevur sett tær fyri ikki at drekka
ov nógv?
- Drekkur tú
onkuntíð so nógv, at tú hevur trupult við at minnast, hvat
hendi kvøldið fyri?
Um tú kanst svara ja upp á
fleiri av hesum spurningum, er góð grund til at tú minkar tína
rúsevnis-nýtslu. Vit vilja gjarna hjálpa.
|
Tey allarflestu, sum drekka ov nógv,
hava tað trupult við at vera til staðar, tá ið tey skulu vera.
Tilveran saman við serliga familjuni
tykist at broytast, tí tann rakti – tann, ið hevur trupult við
at sleppa fløskuni – hevur so at siga kroyst seg sjálvan frá
náttverðaborðinum, biltúrinum, frítíðini og øðrum saman við
familjuni; og hugnar sær heldur saman við ølini og fløskuni, sum
hava rúnarbundið tann
rakta.
Síðani roynir familjan, vinurin ella
arbeiðsfelagin at gera eina avtalu. Men alkaholið hevur skatt tann
rakta so mikið, at viðkomandi hevur fullkomiliga gloymt avtaluna og
situr á barr ístaðin. "Aftur nú”! siga tey nærmastu, "aftur
nú hevur hann svíkt okkum”! – Enn eina ferð er tað rúsevni,
sum hevur fanga tann rakta og svíkt tey avvarðandi. Soleiðis er
tað tíanverri í mongum førum.
Metir tú, at tú gevur hesum
rúsevninum alt ov nógva tíð og drekkur ella misnýtur rúsevni ov
nógv. Gongur tín misnýtsla út yvir onnur? Gongur tað út yvir
teg sjálvan? Ert tú bundin at alkoholið ella møguliga øðrum
rúsevni?
Um so er at tú er
bundin at alkoholið ella øðrum rúsandi, so er okkara boðskapur
at broyting er møgulig.
Drekkur tú ov nógv av tí
sterkara slagnum? Og tú hevur trupulleikar av tí? – hjálp er
fyri framman!